طريقة تحضير كوسا محشي مع صلصة البندورة

لمكونات:
2 كيلو كوسا
2 كوب أرز
اوقية لحمة مفرومة ناعم (أو حسب الرغبة)
بهارات مشكلة
ملح
زيت
عصير بندورة
رب البندورة


الطريقة:
1) نقوم بحفر حبات الكوسا (الحفر بده خفة أكتر من المهارة) ونقرها من الأسفل وبنغسلها منيح لحتى تخرج اللب من آثار الحفر .
2) ننقع الأرز بماء ساخن لمدة ثلث ساعة وبعدين بنغسله منيح
3) نضع اللحمة في مقلاة ونضع كمية قليلة من الماء ونستمر بتحريكها حتى لا تتكتل ولما بتخلص ميتها بنحط عليها الزيت وبنقليها شوي
4) نحضر الأرز ونضع عليه البهارات والملح ونخلطه جيداً واذا كان مناسباً نضيف اللحمة ونخلطها جيداً
5) بنحشي الكوسا ... طبعاً مو مليانة تقريباً ثلثينها وثلث فاضي وبتسكريها بقطعة بندورة وهيك لتخلصي كل الحبات
6) نحضر طنجرة ونضع فيها حبات الكوسا ونضيف الملح وعصير البندورة ورب البندورة (اذا احتجنا للون) ونضيف الماء (طبعاً انها تكون غامرة كل حبات الكوسا وزيادة فوقها 4 سم يعني هيك بتكون مناسبة) ونضعها على الغاز على نار متوسطة ونغطيها وبعد الغليان نتذوق الملح للشوربة اذا كان مناسب أو لأ وبنزيده اذا كان ناقص و ازا كان زيادة بنزيد كمية الماء وبنتركها على النار لمدة ساعة بعد الغليان وبعدها بناخد حبة وبنفتحها اازا كانت الكوسا مستوية من برا والرز مستوي من جوا على طول بنفصل الكوسا عن الشوربة تبعته لأنه ازا ضلت جوا الشوربة بتتسطح

ملاحظة: كل ما كان حجم حبات الكوسا أصغر بكون أحسن وأرتب
لتقدير الكمية يرجى العلم انو الكمية اللي بالصورة حوالي 8 كيلو كوسا

وصـحـتـيـن وعـافـيــة

يسلمووووووو عصفوره